Monday, 18th June 2018

Recent News

ಪೊಲೀಸ್ ಪೇದೆಯ ಅನೈತಿಕ ಸಂಬಂಧದ ಸೆಕ್ಸ್ ವಿಡಿಯೋ ವೈರಲ್

ರಾಮನಗರ: ಮಹಿಳೆಯೊಂದಿಗೆ ಅನೈತಿಕ ಸಂಬಂಧ ಹಿನ್ನೆಲೆಯಲ್ಲಿ ಚಿತ್ರದುರ್ಗ ಜಿಲ್ಲೆಯ ಕೆ.ಕೆ ಹಟ್ಟಿ ಗ್ರಾಮಸ್ಥರಿಂದ ಥಳಿತಕ್ಕೆ ಒಳಗಾಗಿದ್ದ ರಾಮನಗರ ಪೊಲೀಸ್ ಪೇದೆಯ ಅನೈತಿಕ ಸಂಬಂಧದ ವೀಡಿಯೋ ಇದೀಗ ರಾಮನಗರ ಜಿಲ್ಲೆಯಾದ್ಯಂತ ವೈರಲ್ ಆಗಿದೆ.

ರಾಮನಗರ ಟ್ರಾಫಿಕ್ ಪೊಲೀಸ್ ಠಾಣೆಯ ಚಾಲಕನಾಗಿ ಕಾರ್ಯ ನಿರ್ವಹಿಸುತ್ತಿದ್ದ ಡಿಆರ್ ಪೇದೆ ಲೋಕೇಶ್ ಯುವತಿಯೊಬ್ಬಳ ಜೊತೆ ಅನೈತಿಕ ಸಂಬಂಧ ಇಟ್ಟುಕೊಂಡಿದ್ದನು. ಯುವತಿಯನ್ನ ಚಿತ್ರದುರ್ಗದ ಹಿರಿಯೂರು ತಾಲೂಕಿನ ಕೆಕೆ ಹಟ್ಟಿ ಗ್ರಾಮದ ಯುವಕನ ಜೊತೆ ವಿವಾಹ ಮಾಡಿಕೊಡಲಾಗಿತ್ತು. ಇದನ್ನೂ ಓದಿ: ಪೊಲೀಸನ ಪತ್ನಿಯೊಂದಿಗೆ ಅಕ್ರಮ ಸಂಬಂಧ ಹೊಂದಿದ್ದ ಇನ್ನೋರ್ವ ಪೇದೆಗೆ ಬಿತ್ತು ಗೂಸಾ

ಮದುವೆಯಾದ ಬಳಿಕವೂ ಪೇದೆ ಲೋಕೇಶ್ ಮಹಿಳೆಯ ಜೊತೆ ಅಕ್ರಮ ಸಂಬಂಧ ಇಟ್ಟುಕೊಂಡಿದ್ದನು. ಅಲ್ಲದೇ ದಿನಾಂಕ 3 ರಂದು ಮಹಿಳೆಯನ್ನ ನೋಡಲು ಕೆಕೆ ಹಟ್ಟಿಗೆ ಹೋಗಿದ್ದ ವೇಳೆ ಗ್ರಾಮಸ್ಥರೇ ಹಿಡಿದು ಲೋಕೇಶ್ ನನ್ನ ಥಳಿಸಿದ್ದರು. ಇದೀಗ ಲೋಕೇಶ್ ಹಾಗೂ ಮಹಿಳೆಯ ನಡುವಿನ ಅನೈತಿಕ ಸಂಬಂಧದ ವಿಡಿಯೋ ಹಾಗೂ ಫೋಟೋಗಳು ವೈರಲ್ ಆಗಿವೆ.

ಈ ಸಂಬಂಧ ರಾಮನಗರ ಎಸ್‍ಪಿ ರಮೇಶ್ ಭಾನೋತ್ ಮಾತನಾಡಿ, ಚಿತ್ರದುರ್ಗ ಎಸ್.ಪಿ ಜೊತೆ ಈಗಾಗಲೇ ಚರ್ಚೆ ಮಾಡಲಾಗಿದೆ. ಅಲ್ಲಿಂದ ವರದಿ ಬಂದ ನಂತರ ಪೇದೆ ಲೋಕೇಶ್ ವಿರುದ್ಧ ಕ್ರಮ ತೆಗೆದುಕೊಳ್ಳುತ್ತೇನೆ. ವಿಡಿಯೋ ವೈರಲ್ ಆಗಿರುವ ಬಗ್ಗೆ ಮಾಹಿತಿ ಇಲ್ಲ ವರದಿ ಬಂದ ತಕ್ಷಣ ಕ್ರಮ ಜರುಗಿಸುವುದಾಗಿ ತಿಳಿಸಿದ್ದಾರೆ.

Leave a Reply

Your email address will not be published. Required fields are marked *