Thursday, 21st September 2017

ಭಾರತ, ಶ್ರೀಲಂಕಾ ಟಿ-20ಯಲ್ಲಿ ಟಾಸ್ ಗೆದ್ದವರು ಯಾರು: ಈ ವಿಡಿಯೋ ನೋಡಿ

ಕೊಲಂಬೋ: ಭಾರತ ಮತ್ತು ಶ್ರೀಲಂಕಾ ನಡುವಿನ ಏಕೈಕ ಟಿ -20 ಪಂದ್ಯವನ್ನು ಟೀಂ ಇಂಡಿಯಾ ಗೆದ್ದುಕೊಂಡಿದ್ದರೂ ಈಗ ಟಾಸ್ ಗೆದ್ದವರು ಯಾರು ಎನ್ನುವುದು ಭಾರೀ ಚರ್ಚೆಗೆ ಕಾರಣವಾಗಿದೆ.

ಟಾಸ್ ವೇಳೆ ಮುರಳಿ ಕಾರ್ತಿಕ್ ಮೈಕ್ ಹಿಡಿದುಕೊಂಡಿದ್ದರೆ, ಮ್ಯಾಚ್ ರೆಫ್ರೀ ಆಂಡಿ ಪೈಕ್ರಾಫ್ಟ್ ಮತ್ತು ಟಾಸ್ ಪ್ರತಿನಿಧಿ ಗೌತಮ್ ಮತ್ತು ಇಬ್ಬರು ನಾಯಕರು ಅಂಗಳದಲ್ಲಿದ್ದರು.

ನಾಣ್ಯವನ್ನು ಉಪುಲ್ ತರಂಗ ಚಿಮ್ಮಿದಾಗ ಕೊಹ್ಲಿ ‘ಹೆಡ್’ ಎಂದು ಹೇಳಿದರು. ಮುಂದಕ್ಕೆ ಬಿದ್ದ ನಾಣ್ಯವನ್ನು ನೋಡಿ ಪೈಕ್ರಾಫ್ಟ್ ‘ಟೇಲ್’ ಎಂದು ಹೇಳಿದಾಗ ಮುರಳಿ ಕಾರ್ತಿಕ್ ‘ಹೆಡ್ಸ್ ಇಟಿ ಈಸ್’ ಎಂದರು. ಈ ವೇಳೆ ಉಪುಲ್ ತರಂಗ ಕೊಹ್ಲಿ ಕೈಗೆ ಶೇಕ್ ಮಾಡಿದರು. ನಂತರ ಕೊಹ್ಲಿ ನಾನು ಫೀಲ್ಡಿಂಗ್ ತೆಗೆದುಕೊಳ್ಳುತ್ತೇನೆ ಎಂದು ಹೇಳಿದರು.

ಕೊಹ್ಲಿ ಟಾಸ್ ಗೆದ್ದಿದ್ದಾರೆ ಎಂದು ಮುರಳಿ ಕಾರ್ತಿಕ್ ಹೇಳಿದಾಗ ಪೈಕ್ರಾಫ್ಟ್ ಒಂದು ಸಲ ಗೊಂದಲಕ್ಕೆ ಒಳಗಾಗಿರುವುದು ವಿಡಿಯೋದಲ್ಲಿ ಸ್ಪಷ್ಟವಾಗಿ ತಿಳಿಯುತ್ತದೆ.

ಈಗ ಮುರಳಿ ಕಾರ್ತಿಕ್ ಅವರಿಗೆ ಸರಿಯಾಗಿ ಕೇಳಿಸಲಿಲ್ಲವೇ? ಅಥವಾ ತರಂಗ ಟಾಸ್ ಗೆದ್ದಿದ್ದರೂ ಯಾಕೆ ರೆಫ್ರೀ ಈ ವಿಚಾರವನ್ನು ಅಲ್ಲೇ ಹೇಳಲಿಲ್ಲ ಎನ್ನುವ ಪ್ರಶ್ನೆಗಳನ್ನು ಕ್ರಿಕೆಟ್ ಅಭಿಮಾನಿಗಳು ಕೇಳುತ್ತಿದ್ದಾರೆ.

ಇದನ್ನೂ ಓದಿ: 50ನೇ ಟಿ- 20ಯಲ್ಲಿ ಅರ್ಧಶತಕ ಸಿಡಿಸಿ ವಿಶ್ವದಾಖಲೆ ಬರೆದ ಕೊಹ್ಲಿ

Leave a Reply

Your email address will not be published. Required fields are marked *