Wednesday, 22nd November 2017

Recent News

ಸ್ಯಾಂಡಲ್‍ವುಡ್ ಪ್ರೇಕ್ಷಕರಿಗೆ ಡಬಲ್ ಕಾಮಿಡಿ ಧಮಾಕ

– ಮಂಜನ ಗೆಟಪ್‍ನಲ್ಲಿ ನವರಸ ನಾಯಕ
– `ಸ್ಮೈಲ್ ಪ್ಲೀಸ್’ ಅಂತಿದ್ದಾರೆ First Rank ರಾಜು

ಬೆಂಗಳೂರು: ಇಂದು ಸ್ಯಾಂಡಲ್‍ವುಡ್ ಸಿನಿಸಂತೆಗೆ ಎರಡು ಮಸ್ತ್ ಕಾಮಿಡಿ ಎಂಟರ್‍ಟೈನರ್ ಸಿನಿಮಾಗಳು ಬರಲಿವೆ. ಒಂದು ನವರಸ ನಾಯಕ ಜಗ್ಗೇಶ್ ನಟನೆಯ ಮೇಲುಕೋಟೆ ಮಂಜ ಇನ್ನೊಂದು First Rank ರಾಜು ಖ್ಯಾತಿ ಗುರುನಂದನ್ ಅಭಿನಯದ ಸ್ಮೈಲ್ ಪ್ಲೀಸ್.

ನವರಸ ನಾಯಕ ಜಗ್ಗೇಶ್ ಮತ್ತೊಮ್ಮೆ `ಮಂಜ’ನ ಗೆಟಪ್‍ನಲ್ಲಿ ಕಾಮಿಡಿ ಮಜಾ ನೀಡಲು ಬರ್ತಿದ್ದಾರೆ. ಅದು ಮೇಲು ಕೋಟೆ ಮಂಜನ ಹೆಸರಿನಲ್ಲಿ. ಈ ಮೇಲುಕೋಟೆ ಮಂಜನ ಕರ್ತ ನವರಸನಾಯಕ ಜಗ್ಗೇಶ್. ನಟನೆಯ ಜೊತೆಗೆ ತಾವೇ ಕಥೆ-ಚಿತ್ರಕಥೆ-ಸಂಭಾಷಣೆ ಬರೆದು ನಿರ್ದೇಶನವನ್ನು ಮಾಡಿದ್ದಾರೆ.

ಗಿರಿದರ್ ದಿವಾನ್ ಸ್ವರಸಂಯೋಜನೆಯ ಹಾಡುಗಳು ಈಗಾಗಲೆ ಕೇಳುಗರನ್ನ ತಲುಪಿದೆ. ಇನ್ನೇನಿದ್ರು ಚಿತ್ರಮಂದಿರದಲ್ಲಿ ಪ್ರೇಕ್ಷಕರು ಮೇಲುಕೋಟೆ ಮಂಜನ್ನ ಸ್ವೀಕರಿಸುವುದೊಂದೆ ಬಾಕಿ.

First Rank ರಾಜು ಸಿನಿಮಾದ ಮೂಲಕ ಪ್ರೇಕ್ಷಕರನ್ನ ರಂಜಿಸಿದ್ದ ಗುರುನಂದನ್ ಈಗ ಸ್ಮೈಲ್ ಪ್ಲೀಸ್ ಎನ್ನುತ್ತಿದ್ದಾರೆ. ಇವರಿಗೆ ಜೋಡಿಯಾಗಿ ಇಷ್ಟಕಾಮ್ಯಾದ ಬೆಡಗಿ ಕಾವ್ಯ ಶೆಟ್ಟಿ ಸಾಥ್ ನೀಡಿದ್ದಾರೆ. ಟಿ.ಎನ್.ಸೀತಾರಾಮ್ ಶಿಷ್ಯ ರಘು ಸಮರ್ಥ ನಿರ್ದೇಶನದ ಸ್ಮೈಲ್ ಪ್ಲೀಸ್ ಈ ವಾರದ ಸ್ಯಾಂಡಲ್‍ವುಡ್ ಸಿನಿಸಂತೆಗೆ ಲಗ್ಗೆ ಇಟ್ಟಿದೆ.

ಜೆ.ಅನೂಪ್ ಸೀಳಿನ್ ಸಂಗೀತ ಸಂಯೋಜನೆಯ ಹಾಡುಗಳು ಚಿತ್ರಪ್ರೇಮಿಗಳನ್ನ ಇಂಪ್ರೆಸ್ ಮಾಡಿದೆ. ಅದ್ರಲೂ ಸ್ಮೈಲ್ ಪ್ಲೀಸ್ ಸಿನಿಮಾದ ಟ್ರೇಲರ್‍ಗಳು ಪ್ರೇಕ್ಷರಲ್ಲಿ ಭರವಸೆ ಮೂಡಿಸಿವೆ. ಕೆ.ಮಂಜು ನಿರ್ಮಾಣದಲ್ಲಿ ಅದ್ಧೂರಿಯಾಗಿ ಚಿತ್ರ ಮೂಡಿಬಂದಿದ್ದು ಥಿಯೇಟರ್‍ನಲ್ಲಿ ಸದ್ದು ಮಾಡಲಿದೆ.

ಒಟ್ಟಾರೆಯಾಗಿ ಈ ವಾರದ ಸ್ಯಾಂಡಲ್‍ವುಡ್ ಬೆಳ್ಳಿಪರದೆ ಮೇಲೆ ಹಾಸ್ಯರಸದೌತಣವುಳ್ಳ ಸಿನಿಮಾಗಳು ಬೆಳಕು ಚೆಲ್ಲಲಿವೆ.

Leave a Reply

Your email address will not be published. Required fields are marked *