Saturday, 23rd September 2017

Recent News

ಮತ್ತೆ ಲವ್‍ನಲ್ಲಿ ಬಿದ್ದ ಸಲ್ಮಾನ್, ಕತ್ರಿನಾ: ಹೇಗಂತೀರಾ ಈ ಸ್ಟೋರಿ ಓದಿ

ಮುಂಬೈ: ಬಾಲಿವುಡ್ ನಟ-ನಟಿಯರ ನಡುವೆ ಅಫೆರ್ ಗಳು ಶುರುವಾಗುತ್ತೆ. ನಂತರ ಅವರ ಮಧ್ಯೆ ಬ್ರೇಕ್ ಅಪ್ ಕೂಡ ಆಗುತ್ತದೆ. ಕೆಲವು ಸ್ಟಾರ್‍ಗಳ ಬ್ರೇಕ್ ಅಪ್ ಆದರೂ ಮತ್ತೆ ಗೆಳೆಯರಾಗಿ ಮುಂದುವರೆಯುತ್ತಾರೆ. ಬಾಲಿವುಡ್ ಭಾಯಿಜಾನ್ ಸಲ್ಮಾನ್ ಖಾನ್ ಮತ್ತು ಕತ್ರಿನಾ ಕೈಫ್ ನಡುವೆ ಮತ್ತೆ ಪ್ರೀತಿ ಹುಟ್ಟಿಕೊಂಡಿದೆ ಎನ್ನುವ ಸುದ್ದಿ ಈಗ ಕೇಳಿಬಂದಿದೆ.

ಹೌದು. ಸಲ್ಮಾನ್ ಖಾನ್ ಜೊತೆ ಈ ಹಿಂದೆ ನಟಿಸಿದ ಚಿತ್ರದಲ್ಲಿ ಕತ್ರಿನಾ ಗೀಟಾರ್ ಹಿಡಿದುಕೊಂಡು ಪ್ರೀತಿಯ ಹಾಡು ಹಾಡಿದ್ದರು. ಈಗ ಈ ಸಂಗತಿ ಮತ್ತೆ ಮರುಕಳಿಸಿದೆ. ರಣ್‍ಬೀರ್ ಕಪೂರ್ ಗಾಗಿ ಸಲ್ಮಾನ್ ನನ್ನು ಬಿಟ್ಟು ಹೋದ ಕತ್ರಿನಾ ಈಗ ಸಲ್ಮಾನ್ ಜೀವನದಲ್ಲಿ ಮತ್ತೇ ಎಂಟ್ರಿ ಕೊಟ್ಟಿದ್ದಾರೆ. ರಣ್‍ಬೀರ್ ಜೊತೆ ಬ್ರೇಕ್ ಅಪ್ ನಂತರ ಕತ್ರಿನಾ ಮತ್ತೇ ಸಲ್ಮಾನ್‍ನ ವಿಶೇಷ ಗೆಳತಿಯಾಗಿದ್ದಾರೆ. ಈಗ ಇವರಿಬ್ಬರು ಒಂದೇ ಸಿನಿಮಾದಲ್ಲಿ ಜೊತೆಯಾಗಿ ನಟಿಸುತ್ತಿದ್ದಾರೆ.

ಸಲ್ಮಾನ್ ಹಾಗೂ ಲೂಲಿಯಾ ನಡುವೆ ಭಿನ್ನಭಿಪ್ರಾಯ ಬಂದಿದ್ದು, ಅದಕ್ಕೆ ಕಾರಣ ಕತ್ರಿನಾ ಕೈಫ್ ಎಂಬ ಸುದ್ದಿಗಳು ಕೇಳಿ ಬರುತ್ತಿವೆ. ಅಷ್ಟೇ ಅಲ್ಲದೇ ನಟಿ ಕತ್ರಿನಾ ಹಾಗೂ ಅವರ ಎಕ್ಸ್-ಬಾಯ್‍ಫ್ರೆಂಡ್ ಸಲ್ಮಾನ್ ಜೊತೆ ಲಿವ್-ಇನ್-ರಿಲೇಶನ್‍ಗೆ ಶಿಫ್ಟ್ ಆಗಲಿದ್ದಾರೆ ಎಂಬ ಸುದ್ದಿ ವೈರಲ್ ಆಗಿದೆ.

ಈ ನಡುವೆ ಸಲ್ಮಾನ್‍ನ ಗರ್ಲ್ ಫ್ರೆಂಡ್ ಲೂಲಿಯಾ ತನ್ನ ಬಾಯ್ ಫ್ರೆಂಡ್ ಕತ್ರಿನಾ ಜೊತೆ ಹತ್ತಿರವಾಗುತ್ತಿರುವುದನ್ನು ನೋಡಿ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಸಲ್ಮಾನ್ ನನ್ನ ಜೊತೆ ಹೆಚ್ಚು ಸಮಯ ಕಳೆಯುತ್ತಿಲ್ಲ ಎಂದು ಲೂಲಿಯಾ ತಿಳಿಸಿದ್ದಾರೆ ಎನ್ನಲಾಗಿದೆ.

ಲೂಲಿಯಾ ಮೊದಲು ಸಲ್ಮಾನ್ ನಟಿಸುತ್ತಿದ್ದ ಎಲ್ಲಾ ಸಿನಿಮಾ ಸೆಟ್‍ಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದರು. ಆದರೆ ಈಗ ಲೂಲಿಯಾ ಸಲ್ಮಾನ್ ಚಿತ್ರದ ಯಾವುದೇ ಸಿನಿಮಾ ಸೆಟ್‍ನಲ್ಲಿ ಕಾಣಿಸಿಕೊಳ್ಳುತ್ತಿಲ್ಲ. ಸಲ್ಮಾನ್ ಈಗ ಕತ್ರಿನಾ ಕಡೆ ತುಂಬಾ ಗಮನ ಕೊಡುತ್ತಿದ್ದು ಅವರ ನಡುವೆ ಮತ್ತೆ ಪ್ರೀತಿ-ಪ್ರೇಮ ಶುರುವಾಗಿದೆ ಎನ್ನುವ ಮಾತು ಬಾಲಿವುಡ್ ವಲಯದಲ್ಲಿ ಹರಿದಾಡುತ್ತಿದೆ.

 

ಸದ್ಯಕ್ಕೆ ಸಲ್ಮಾನ್ ಹಾಗೂ ಕತ್ರಿನಾ ‘ಟೈಗರ್ ಜಿಂದಾ ಹೈ’ ಚಿತ್ರದಲ್ಲಿ ಬ್ಯುಸಿಯಾಗಿದ್ದಾರೆ. ಈ ಸಿನಿಮಾ ವರ್ಷದ ಕೊನೆಯಲ್ಲಿ ಬಿಡುಗಡೆ ಆಗಲಿದೆ.

Leave a Reply

Your email address will not be published. Required fields are marked *