Sunday, 17th December 2017

Recent News

ಸಮ್ಮರ್ ಸ್ಪೆಷಲ್: ಮಾವಿನಕಾಯಿ ಜಲ್‍ಜೀರಾ ಮಾಡೋ ವಿಧಾನ

ಬೇಸಿಗೆಯಲ್ಲಿ ಮಜ್ಜಿಗೆ, ಕಲ್ಲಂಗಡಿ ಹಣ್ಣಿನ ಜ್ಯೂಸ್, ಲಸ್ಸಿ ಹೀಗೆ ಏನಾದ್ರೂ ತಂಪಾದ ಪಾನೀಯಗಳನ್ನ ಮಾಡಿ ಕುಡಿಯೋದು ಕಾಮನ್. ಬೇಸಿಗೆ ಅಂದ್ಮೇಲೆ ಮಾವಿನಕಾಯಿ ಸೀಜನ್ ಕೂಡ ಹೌದು. ಹೀಗಾಗಿ ಈ ಸೀಜನ್‍ನಲ್ಲಿ ಸಾಮಾನ್ಯವಾಗಿ ಸಿಗೋ ಮಾವಿನಕಾಯಿ ಬಳಸಿ ಆರೋಗ್ಯಕರವಾದ ಜಲ್‍ಜೀರಾ ಮಾಡಬಹುದು. ಅದನ್ನು ಮಾಡೋ ವಿಧಾನ ಇಲ್ಲಿದೆ ನೋಡಿ.

ಬೇಕಾಗುವ ಸಾಮಗ್ರಿಗಳು
1. ಮಾವಿನ ಕಾಯಿ – 1
2. ಜೀರಿಗೆ – 2 ಚಮಚ
3. ಐಸ್‍ಕ್ಯೂಬ್ಸ್- 5-6
4. ಉಪ್ಪು – ರುಚಿಗೆ ತಕ್ಕಷ್ಟು
5. ಸಕ್ಕರೆ – 1/2 ಚಮಚ
6. ನೀರು – 2 ಲೋಟ
7. ಪುದೀನಾ- ಸ್ವಲ್ಪ
8. ಬ್ಲ್ಯಾಕ್ ಸಾಲ್ಟ್- ಸ್ವಲ್ಪ
9. ಕಾಳುಮೆಣಸಿನ ಪುಡಿ – 1/2 ಚಮಚ
10. ಶುಂಠಿ- 1/4 ಇಂಚು

ಮಾಡುವ ವಿಧಾನ
* ಮಾವಿನ ಕಾಯಿಯ ಸಿಪ್ಪೆ ತೆಗೆದು ದೊಡ್ಡ ಗಾತ್ರಕ್ಕೆ ಕಟ್ ಮಾಡಿಕೊಳ್ಳಿ.
* ಕುಕ್ಕರ್‍ಗೆ ಕಟ್ ಮಾಡಿದ ಮಾವಿನ ಕಾಯಿ, ನೀರು ಹಾಕಿ ಒಂದು ವಿಷಲ್ ಬರುವವರೆಗೆ ಬೇಯಿಸಿಕೊಳ್ಳಿ.
* ನಂತರ ಒಂದು ಪ್ಯಾನ್‍ನಲ್ಲಿ ಜೀರಿಗೆ ಹಾಕಿ ಕಂದು ಬಣ್ಣಕ್ಕೆ ಬರುವಂತೆ ರೋಸ್ಟ್ ಮಾಡಿಕೊಂಡು ಪುಡಿ ಮಾಡಿಕೊಳ್ಳಿ.
* ಬೆಂದ ಮಾವಿನಕಾಯಿಯನ್ನು ಮಿಕ್ಸಿ ಜಾರ್‍ಗೆ ಹಾಕಿ, ಇದಕ್ಕೆ ಪುಡಿ ಮಾಡಿದ ಜೀರಿಗೆ, ಸ್ವಲ್ಪ ಸಕ್ಕರೆ, ಕಾಳುಮೆಣಸಿನ ಪುಡಿ, ಉಪ್ಪು,ಬ್ಲ್ಯಾಕ್ ಸಾಲ್ಟ್, ಶುಂಠಿ, ಪುದೀನಾ ಮತ್ತು ಐಸ್‍ಕ್ಯೂಬ್ಸ್ ಹಾಕಿ ರುಬ್ಬಿಕೊಳ್ಳಿ.
* ಇದನ್ನು ಸೋಸಿಕೊಂಡು ನಂತರ ಒಂದು ಗ್ಲಾಸ್‍ಗೆ ಹಾಕಿ ಸವಿಯಲು ಕೊಡಿ.

Leave a Reply

Your email address will not be published. Required fields are marked *