Wednesday, 18th October 2017

Recent News

ಕಾಜಲ್ ಅಗರ್ ವಾಲ್ ಗೆ ಆ್ಯಕ್ಷನ್ ಕಟ್ ಹೇಳಲಿದ್ದಾರೆ ರಮೇಶ್ ಅರವಿಂದ್

ಬೆಂಗಳೂರು: ಸ್ಯಾಂಡಲ್‍ವುಡ್ ಪ್ರತಿಭಾನ್ವಿತ ನಟ ಕಮ್ ನಿರ್ದೇಶಕ ರಮೇಶ್ ಅರವಿಂದ್ ಟಾಲಿವುಡ್ ಬೆಡಗಿ ಕಾಜಲ್ ಅಗರ್ ವಾಲ್ ಗೆ ಆ್ಯಕ್ಷನ್ ಕಟ್ ಹೇಳಲಿದ್ದಾರೆ.

ಬಾಲಿವುಡ್ ನ ಯಶಸ್ವಿ `ಕ್ವೀನ್’ ಸಿನಿಮಾದ ತಮಿಳು ರಿಮೇಕ್ ಚಿತ್ರವನ್ನು ರಮೇಶ್ ನಿರ್ದೇಶಲಿದ್ದು, ಈ ಚಿತ್ರದಲ್ಲಿ ಕಾಜಲ್ ಅಗರ್‍ವಾಲ್ ನಾಯಕಿ ಆಗಿದ್ದಾರೆ.

ಹಿಂದಿಯಲ್ಲಿ ಕಂಗನಾ ರಣಾವತ್ `ಕ್ವೀನ್’ ಆಗಿ ನಟಿಸಿ ಎಲ್ಲರಿಂದಲೂ ಭೇಷ್ ಅನ್ನಿಸಿಕೊಂಡಿದ್ದರು. ಇದೇ ಚಿತ್ರದ ಮನೋಜ್ಞ ನಟನೆಗಾಗಿ ಕಂಗನಾ ರಾಷ್ಟ್ರ ಪ್ರಶಸ್ತಿಯನ್ನು ಸಹ ಪಡೆದುಕೊಂಡಿದ್ದಾರೆ.

ತಮಿಳಿನಲ್ಲಿ ಮೂಡಿ ಬರುತ್ತಿರುವ ಸಿನಿಮಾದಲ್ಲಿ ಕ್ವೀನ್ ಆಗಿ ಕಾಜಲ್ ಅಗರ್ ವಾಲ್ ನಟಿಸಲಿದ್ದಾರೆ. ತಮಿಳು ಚಿತ್ರಕ್ಕೆ `ಪ್ಯಾರೀಸ್ ಪ್ಯಾರೀಸ್’ ಎಂದು ಹೆಸರಿಡಲಾಗಿದ್ದು, ಸಿನಿಮಾದ ಫಸ್ಟ್ ಲುಕ್ ನ್ನು ಬಿಡುಗಡೆ ಮಾಡಲಾಗಿದೆ.

ಇನ್ನೂ ಕನ್ನಡ ಅವತರಣಿಕೆಯಲ್ಲಿ ಪ್ಯಾರೇಗೆ ಆಗ್ಬುಟೈತೆ ಖ್ಯಾತಿಯ ಪರೂಲ್ ಯಾದವ್ ಬಣ್ಣ ಹಚ್ಚಲಿದ್ದಾರೆ. ಕನ್ನಡ ಸಿನಿಮಾಗೆ `ಬಟರ್ ಫ್ಲೈ’ ಎಂಬ ಹೆಸರನ್ನು ಇಡಲಾಗಿದೆ. ಕ್ವೀನ್ ಬಾಲಿವುಡ್ ಚಿತ್ರರಂಗದಲ್ಲಿ ವಿಮರ್ಶಕರಿಂದ ಮತ್ತು ಅಭಿಮಾನಿಗಳಿಂದ ಅಪಾರ ಮೆಚ್ಚುಗೆಯನ್ನು ಪಡೆದುಕೊಂಡಿತ್ತು.

ಕಥಾ ನಾಯಕಿ ತನ್ನ ಮದುವೆ ಮುರಿದು ಬಿದ್ದ ನಂತರ ಒಬ್ಬಳೆ ಹನಿಮೂನ್ ಗಾಗಿ ವಿದೇಶಕ್ಕೆ ಹೋಗುವ ಕತೆಯನ್ನು ಸಿನಿಮಾ ಹೊಂದಿದೆ. ಈ ವೇಳೆ ಕಥಾ ನಾಯಕಿ ಪಡೆಯುವ ಹೊಸ ಅನುಭವ ಮತ್ತು ಆಕೆಯ ಮದುವೆ ಮುರಿದು ಬಿದ್ದ ನಂತರ ನಾಯಕಿಯಲ್ಲಾಗುವ ಬದಲಾವಣೆಗಳನ್ನು ಸಿನಿಮಾದಲ್ಲಿ ಕಾಣಬಹುದಾಗಿದೆ.

Leave a Reply

Your email address will not be published. Required fields are marked *