ಬೆಳಗಾವಿ: ಅಡ್ಡಹೆಸರಿನ ತಪ್ಪು ಗ್ರಹಿಕೆಯಿಂದ ಯುವಕನೊಬ್ಬನನ್ನು ಅಪಹರಿಸಿ ಹಲ್ಲೆ ನಡೆಸಿದ ಘಟನೆಯೊಂದು ಬೆಳಗಾವಿಯಲ್ಲಿ ಬೆಳಕಿಗೆ ಬಂದಿದೆ.
ಹಲ್ಲೆಗೊಳಗಾದವನನ್ನು ಟಿಳಕವಾಡಿಯ ರೋಷನ್ ಅಲಿಯಾಸ್ ಟವರ್ ಎಂದು ಗುರುತಿಸಲಾಗಿದೆ. ಟಿಳಕವಾಡಿಯಲ್ಲಿ ಟವರ್ ಅನ್ನೋ ಅಡ್ಡಹೆಸರು ಇರುವ ಇಬ್ಬರು ವ್ಯಕ್ತಿಗಳಿದ್ದಾರೆ. ಬೇರೊಬ್ಬ ಟವರ್ ಹೆಸರಿನ ಯುವಕನನ್ನು ಅಪಹರಿಸಲು ಸ್ಕೇಚ್ ರೂಪಿಸಿದ್ದ ದುಷ್ಕರ್ಮಿಗಳು ಇದೇ ಅಡ್ಡಹೆಸರು ಇರೋ ಅಮಾಯಕ ಯುವಕ ರೋಷನ್ನನ್ನು ಬೆಳಗಾವಿಯ ಆರ್.ಪಿ.ಡಿ ಕಾಲೇಜು ಬಳಿಯಿಂದ ಅಪಹರಿಸಿ ಹಲ್ಲೆ ಮಾಡಿದ್ದಾರೆ.
ಸದ್ಯ ಹಲ್ಲೆಗೊಳಗಾದ ಟವರ್ ಅಲಿಯಾಸ್ ರೋಷನ್ ಬೆಳಗಾವಿ ಜಿಲ್ಲಾಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಹಲ್ಲೆಗೆ ಕಾರಣವೇನೆಂದು ತಿಳಿದುಬಂದಿಲ್ಲ. ಘಟನೆ ಸಂಬಂಧ ಟಿಳಕವಾಡಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.