ಬೀದರ್: ಮೇಕೆಯೊಂದು ಮಗುವಿನ ಆಕಾರದ ಮರಿಗೆ ಜನ್ಮ ನೀಡಿದ ವಿಚಿತ್ರ ಘಟನೆಯೊಂದು ಬೀದರ್ ಜಿಲ್ಲೆಯ ಬಸವಕಲ್ಯಾಣ ತಾಲೂಕಿನ ರಾಜೇಶ್ವರ ಗ್ರಾಮದಲ್ಲಿ ನಡೆದಿದೆ.
ರಾಜೇಶ್ವರ್ ಗ್ರಾಮದ ಸಾಜೀದ್ ಎಂಬವರ ಮೇಕೆ ಈ ವಿಸ್ಮಯಕಾರಿಗೆ ಸಾಕ್ಷಿಯಾಗಿದೆ.
ಗ್ರಾಮದ ಸಾಜೀದ್ ಎಂಬವರ ಮನೆಯಲ್ಲಿರೋ ಮೇಕೆ ಸೋಮವಾರ ಸಂಜೆ ಮೂರು ಮರಿಗಳಿಗೆ ಜನ್ಮ ನೀಡಿದೆ. ಮೊದಲ ಎರಡು ಮರಿಗಳು ಮೇಕೆಯ ರೀತಿಯಲ್ಲಿದ್ದು, ಮೂರನೇ ಮರಿ ಮಾತ್ರ ಮಗುವಿನ ಹಾಗೆ ಇದ್ದು, ಗ್ರಾಮಸ್ಥರ ಆಚ್ಚರಿಗೆ ಕಾರಣವಾಗಿದೆ. ಇದೀಗ ಗ್ರಾಮಸ್ಥರು ಈ ವಿಶೇಷ ಮೇಕೆ ಮರಿಯನ್ನು ನೋಡಲು ಅಕ್ರಂ ಅವರ ಮನೆಗೆ ತಂಡೋಪತಂಡವಾಗಿ ಆಗಮಿಸುತ್ತಿದ್ದು, ಕುತೂಹಲದಿಂದ ನೋಡಿ ತಮ್ಮ ಮೊಬೈಲ್ನಲ್ಲಿ ಚಿತ್ರೀಕರಿಸಿಕೊಳ್ಳುತ್ತಿದ್ದಾರೆ.