Tuesday, 12th December 2017

Recent News

ವಿಡಿಯೋ: ಮನೆಗೆ ನುಗ್ಗಿದ ನೀರಿನಿಂದ ಗರ್ಭಿಣಿಯನ್ನು ಟ್ರಾಕ್ಟರ್ ಸಹಾಯದಿಂದ ರಕ್ಷಿಸಿದ್ರು!

ರಾಮನಗರ: ರಾತ್ರಿ ಜೋರು ಸುರಿದ ಮಳೆಯಿಂದ ಮನೆಗೆ ನುಗ್ಗಿದ ನೀರಿನಿಂದ 8 ತಿಂಗಳ ಗರ್ಭಿಣಿ ಪರದಾಟ ನಡೆಸಿದ ಘಟನೆ ಬೆಂಗಳೂರು ಹೊರವಲಯದ ಕಗ್ಗಲೀಪುರದಲ್ಲಿ ನಡೆದಿದೆ.

ಕಗ್ಗಲೀಪುರದ ಅಂಗನವಾಡಿ ರಸ್ತೆಯಲ್ಲಿನ 8 ತಿಂಗಳ ಗರ್ಭಿಣಿ ಸಾರಾ ಮಳೆಯ ನೀರಿನಿಂದ ಸಂಕಷ್ಟ ಅನುಭವಿಸಿದ್ದಾರೆ. ರಾತ್ರಿ ಸುರಿದ ಮಳೆಯಿಂದ ಮಳೆಯ ನೀರು ಮನೆಯ ಒಳಗೆಲ್ಲ ನುಗ್ಗಿದೆ. ಮನೆಯ ಹೊರಗೂ ಸಹ ಮೂರು ಅಡಿಗಳಷ್ಟು ನೀರು ನಿಂತಿದೆ. ಇದರಿಂದ ಮನೆಯ ಒಳಗೂ ಇರಲಾಗದೇ, ಹೊರಗೂ ಬರಲಾಗದ ಸಂಕಷ್ಟಕ್ಕೆ ಸಿಲುಕಿದರು.

ಈ ವೇಳೆ ಸಹಾಯಕ್ಕೆ ಬಂದ ಸ್ಥಳೀಯರು ಟ್ರಾಕ್ಟರ್ ಸಹಾಯದಿಂದ ಸಾರಾರನ್ನು ಹೊರಗೆ ಕರೆತಂದಿದ್ದಾರೆ. ಮನೆಯ ಮುಂಭಾಗ ಟ್ರಾಕ್ಟರ್ ನಿಲ್ಲಿಸಿದ್ದರೂ ಸಹ ಅದನ್ನು ಹತ್ತಲಾಗದ ಪರಿಸ್ಥಿತಿಯನ್ನು ಮಳೆಯ ನೀರು ತಂದೊಡ್ಡಿತ್ತು. ಈ ವೇಳೆ ಟ್ರಾಕ್ಟರ್ ಬಳಿ ಚೇರ್ ಹಾಕಿ ಅದರ ಮೇಲೆ ಗರ್ಭಿಣಿ ಸಾರಾ ಅವರನ್ನು ಹತ್ತಿಸಿ ಹೊರಗೆ ಕರೆತಂದಿದ್ದಾರೆ.

Leave a Reply

Your email address will not be published. Required fields are marked *