Wednesday, 18th October 2017

Recent News

ಸ್ಟ್ರೇಟ್ ಹಿಟ್ ಬಾಲ್ ತಲೆಗೆ ಬಡಿಯಿತು: ಗಂಭೀರ ಗಾಯಗೊಂಡು ಪಿಚ್ ಮೇಲೆ ಬಿದ್ದ ಬೌಲರ್

ಎಜ್‍ಬಾಸ್ಟನ್: ಕ್ರಿಕೆಟ್ ಆಡುವ ವೇಳೆ ತಲೆಗೆ ಬಾಲ್ ಬಡಿದು ಗಂಭೀರವಾಗಿ ಬೌಲರ್ ಗಾಯಗೊಂಡಿರುವ ಘಟನೆ ಇಂಗ್ಲೆಂಡಿನಲ್ಲಿ ನಡೆದಿದೆ.

ಶನಿವಾರ ನಡೆದ ಟಿಂ 20 ಕ್ರಿಕೆಟ್ ವೇಳೆ ನಾಟಿಂಗ್‍ಹ್ಯಾಮ್‍ಶೈರ್ ಬೌಲರ್ ಲ್ಯೂಕ್ ಫ್ಲೆಚರ್ ಗಂಭೀರವಾಗಿ ಗಾಯಗೊಂಡಿದ್ದು, ಈಗ ಆಸ್ಪತ್ರೆಯಲ್ಲಿ ಚೇತರಿಸುತ್ತಿದ್ದಾರೆ.

ಟಿ20 ಬ್ಲಾಸ್ಟ್ ಕ್ರಿಕೆಟ್ ವೇಳೆ ಲ್ಯೂಕ್ ಫ್ಲೆಚರ್ ಬೌಲ್ ಮಾಡುತ್ತಿದ್ದರು. ಸ್ಟ್ರೈಕ್‍ನಲ್ಲಿ ಬರ್ಮಿಂಗ್‍ಹ್ಯಾಮ್ ತಂಡದ ಬ್ಯಾಟ್ಸ್ ಮನ್ ಸಾಮ್ ಹೈನ್ ಇದ್ದರು. ಲ್ಯೂಕ್ ಫ್ಲೆಚರ್ ಅವರ ಎಸೆತವನ್ನು ಬಲವಾಗಿ ಸಾಮ್ ಹೈನ್ ಬಲವಾಗಿ ಹೊಡೆದಿದ್ದರು. ಬಿರುಸಿನ ಹೊಡೆತದಿಂದಾಗಿ ಬಾಲ್ ನೇರವಾಗಿ ಫ್ಲೆಚರ್ ತಲೆಗೆ ಬಡಿದಿದೆ.

ತಲೆಗೆ ಬಾಲ್ ಬಿದ್ದ ಕೂಡಲೇ ಫ್ಲೆಚರ್ ಪಿಚ್ ಮೇಲೆ ಬಿದ್ದಿದ್ದಾರೆ. ಕೂಡಲೇ ಏನಾಯ್ತು ಎಂದು ಉಳಿದ ಆಟಗಾರರು ಸಹಾಯಕ್ಕೆ ಧಾವಿಸಿದ್ದಾರೆ. ಮುಂದೆ ಬಂದು ಫ್ಲೆಚರ್ ಅವರನ್ನು ನೋಡಿ ಶಾಕ್ ಆಗಿ ಆಟಗಾರರು ಹಿಂದಕ್ಕೆ ಸರಿದಿರುವುದು ವಿಡಿಯೋದಲ್ಲಿ ಸೆರೆಯಾಗಿದೆ.

28 ವರ್ಷದ ಲ್ಯೂಕ್ ಫ್ಲೆಚರ್ ಅವರನ್ನು ಕ್ವೀನ್ ಎಲಿಜಬೆತ್ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಚಿಕಿತ್ಸೆ ಪಡೆಯುತ್ತಿದ್ದಾರೆ. 30 ನಿಮಿಷದ ಬಳಿಕ ಪಂದ್ಯ ಮತ್ತೆ ಆರಂಭವಾಯಿತು.

 

Leave a Reply

Your email address will not be published. Required fields are marked *