Monday, 18th December 2017

Recent News

ವಿಡಿಯೋ: ಪ್ರಾಣವನ್ನೇ ಪಣಕ್ಕಿಟ್ಟು ಮಂಜುಗಟ್ಟಿದ ನೀರಿನಲ್ಲಿ ಸಿಲುಕಿದ್ದ ನಾಯಿಯನ್ನ ರಕ್ಷಿಸಿದ ಅಗ್ನಿಶಾಮಕ ಸಿಬ್ಬಂದಿ

 

ಒಟ್ಟಾವಾ: ಕೆನಡಾದಲ್ಲಿ ಮಂಜುಗಟ್ಟಿದ ನೀರಿನ ಮೇಲೆ ಓಡಿದ ನಾಯಿಯೊಂದು ಸಂಕಷ್ಟಕ್ಕೆ ಸಿಲುಕಿ ನಂತರ ಅದನ್ನ ಅಗ್ನಿಶಾಮಕ ದಳ ಸಿಬ್ಬಂದಿ ರಕ್ಷಣೆ ಮಾಡಿರೋ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡ್ತಿದೆ.

ವಾಕಿಂಗ್ ಹೋಗ್ತಿದ್ದ ವೇಳೆ ನಾಯಿಯ ಮಾಲೀಕ ಅದನ್ನ ಸಡಿಲ ಬಿಟ್ಟಿದ್ದು, ನಾಯಿ ಮಂಜುಗಟ್ಟಿದ್ದ ನೀರಿನ ಮೇಲೆ ಓಡಿದೆ. ಈ ವೇಳೆ ನೀರಿನ ಮೇಲೆ ಹೆಪ್ಪುಗಟ್ಟಿದಂತಿದ್ದ ತೆಳುವಾದ ಮಂಜಿನ ಪದರ ಮುರಿದಿದ್ದು, ಕೊರೆಯೋ ನೀರಲ್ಲಿ ನಾಯಿ ಸಿಲುಕಿದೆ. ನಂತರ ಮಾಲೀಕ ಅಗ್ನಿಶಾಮಕ ದಳಕ್ಕೆ ಕರೆ ಮಾಡಿ ವಿಷಯ ತಿಳಿಸಿದ್ದು, ಅವರು ಸ್ಥಳಕ್ಕೆ ಬಂದು ನಾಯಿಯನ್ನ ರಕ್ಷಿಸಿದ್ದಾರೆ.

ಕಳೆದ ವಾರ ಈ ಘಟನೆ ನಡೆದಿದ್ದು, ಸಸ್ಕಾಚೆವಾನ್ ನ ಸ್ವಿಫ್ಟ್ ಕರೆಂಟ್ ಫೈರ್ ಡಿಪಾರ್ಟ್‍ಮೆಂಟ್ ಮುಖ್ಯಸ್ಥರು ಇದರ ವಿಡಿಯೋ ಹಂಚಿಕೊಂಡಿದ್ದಾರೆ. ಅಗ್ನಿಶಾಮಕ ಸಿಬ್ಬಂದಿಯೊಬ್ಬರು ಸೊಂಟಕ್ಕೆ ಹಗ್ಗ ಕಟ್ಟಿಕೊಂಡು ಮಂಜುಗಟ್ಟಿದ್ದ ನೀರಿನ ಮೇಲೆ ತೆವಳಿಕೊಂಡು ಹೋಗಿದ್ದಾರೆ.

ಅವರು ನಾಯಿಯನ್ನು ಹಿಡಿದುಕೊಳ್ಳುವ ವೇಳೆಗೆ ಸರಿಯಾಗಿ ಮಂಜಿನ ಪದರ ಮತ್ತಷ್ಟು ಮುರಿದು ಬೀಳೋದನ್ನ ವಿಡಿಯೋದಲ್ಲಿ ಕಾಣಬಹುದು. ಆದ್ರೂ ಅವರು ಸಮತೋಲನ ಕಾಯ್ದುಕೊಂಡು ನಾಯಿಯನ್ನ ಹಿಡಿದುಕೊಂಡಿದ್ದಾರೆ.

ನಂತರ ಇತ್ತ ದಡದಲ್ಲಿದ್ದ ಸಿಬ್ಬಂದಿ ನಿಧಾನವಾಗಿ ಹಗ್ಗವನ್ನ ಎಳೆದುಕೊಂಡಿದ್ದು ನಾಯಿ ಹಾಗೂ ಅಗ್ನಿಶಾಮಕ ಸಿಬ್ಬಂದಿ ಸುರಕ್ಷಿತವಾಗಿ ದಡ ಸೇರಿದ್ದಾರೆ. ನಂತರ ಮಾಲೀಕ ಹೊದಿಕೆಯನ್ನ ನಾಯಿಯ ಮೇಲೆ ಹಾಕಿ ನಿಟ್ಟುಸಿರು ಬಿಟ್ಟಿದ್ದಾರೆ.

ಮಂಜುಗಟ್ಟಿದ ನೀರು ಇರುವ ಕಡೆ ಜನ ಎಚ್ಚರಿಕೆಯಿಂದ ಇರಬೇಕು ಎಂಬುದನ್ನ ತಿಳಿಸಲು ಅಗ್ನಿಶಾಮಕ ಮುಖ್ಯಸ್ಥರಾದ ಡೆನಿಸ್ ಪೈಲನ್ ಈ ವಿಡಿಯೋವನ್ನ ಹಂಚಿಕೊಂಡಿದ್ದಾರೆ.

STAY OFF THE ICE!!Yesterday afternoon, our firefighters were busy at the creek, rescuing someone's pet. They allowed their dog to run off leash when it ventured our onto the ice and fell through. Quick action calling the fire department helped save their pet. Please keep your pets and children away from the Creek, the ice is thin and it is NOT safe.

Denis Pilonさんの投稿 2017年11月29日(水)

 

One thought on “ವಿಡಿಯೋ: ಪ್ರಾಣವನ್ನೇ ಪಣಕ್ಕಿಟ್ಟು ಮಂಜುಗಟ್ಟಿದ ನೀರಿನಲ್ಲಿ ಸಿಲುಕಿದ್ದ ನಾಯಿಯನ್ನ ರಕ್ಷಿಸಿದ ಅಗ್ನಿಶಾಮಕ ಸಿಬ್ಬಂದಿ

  1. Great to save a innocent, thnk you soooooooooooooo much Hattss off you, you are the real heroes on this earth may god bless you thnk you

Leave a Reply

Your email address will not be published. Required fields are marked *