Wednesday, 25th April 2018

Recent News

ಚಲಿಸುತ್ತಿದ್ದ ಆಡಿ ಕಾರ್ ಮೇಲೆ ಬಿದ್ದ ಕ್ರೇನ್- ಚಾಲಕನಿಗೇನಾಯ್ತು ಅಂತ ನೋಡಿದ್ರೆ ಅಚ್ಚರಿ ಪಡ್ತೀರ

ಬೀಜಿಂಗ್: ಸಾವಿನ ಕದ ತಟ್ಟಿ ವಾಪಸ್ ಬಂದ ಅನ್ನೋ ಮಾತಿಗೆ ಈ ಘಟನೆ ಸೂಕ್ತ ಉದಾಹರಣೆ ಎನ್ನಬಹುದು. ಚೀನಾದಲ್ಲಿ ವ್ಯಕ್ತಿಯೊಬ್ಬರು ಭಾರೀ ಅಪಘಾತದಿಂದ ಕೂದಲೆಳೆ ಅಂತರದಲ್ಲಿ ಪಾರಾಗಿದ್ದಾರೆ. ಕಾರ್ ಮೇಲೆ ಕ್ರೇನ್ ಬಿದ್ದರೂ ಸಾವಿನ ದವಡೆಯಿಂದ ಪವಾಡ ಸದೃಶವಾಗಿ ಪಾರಾಗಿದ್ದಾರೆ.

ಇಲ್ಲಿನ ಝೂಝೈ ಪ್ರಾಂತ್ಯದಲ್ಲಿ ಮಂಗಳವಾರದಂದು 29 ವರ್ಷದ ವ್ಯಕ್ತಿಯೊಬ್ಬರು ಆಡಿ ಕಾರಿನಲ್ಲಿ ಕೆಲಸಕ್ಕೆ ಹೋಗುತ್ತಿದ್ದರು. ಈ ವೇಳೆ ಕಟ್ಟಡ ನಿರ್ಮಾಣದ ಕ್ರೇನ್ ಕಾರಿನ ಮೇಲೆ ಬಿದ್ದು ಅಪ್ಪಚ್ಚಿಯಾಗಿದೆ. ಕಾರಿನ ಮುಂಭಾಗ ಸಂಪೂರ್ಣ ಜಖಂ ಆಗಿದೆ. ಈ ಎಲ್ಲಾ ದೃಶ್ಯ ಹತ್ತಿರದ ಸಿಸಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ದೃಶ್ಯಗಳನ್ನ ನೋಡಿದ್ರೆ ಕಾರ್ ಚಾಲಕನಿಗೆ ಏನಾಗಿರಬಹುದು ಎಂದು ಊಹಿಸಿಕೊಂಡು ಎದೆ ಜಲ್ಲೆನಿಸುತ್ತದೆ.

ಆದ್ರೆ ಎಲ್ಲೇ ಇದ್ದಿದ್ದು ಟ್ವಿಸ್ಟ್. ಅಪ್ಪಚ್ಚಿಯಾಗಿದ್ದ ಕಾರಿನಿಂದ ಚಾಲಕ ಜೀವಂತವಾಗಿ ಮೇಲೆದ್ದು ಬಂದಿದ್ದಾರೆ. ಕಾರಿನ ಛಾವಣಿಯಿಂದ ಅವರು ಮೇಲೆದ್ದು ಬಂದಿದ್ದು, ಸ್ಥಳದಲ್ಲಿದ್ದವರನ್ನು ಆಶ್ಚರ್ಯಗೊಳಿಸಿದ್ದಾರೆ.

ಆದ್ರೂ ಚಾಲಕನ ಪಾದಕ್ಕೆ ಗಂಭೀರ ಗಾಯವಾಗಿದೆ ಎಂದು ವರದಿಯಾಗಿದೆ. ಕ್ರೇನ್ ರಸ್ತೆ ಮೇಲೆ ಬೀಳಲು ಕಾರಣವೇನೆಂಬುದು ಸದ್ಯಕ್ಕೆ ಸ್ಪಷ್ಟವಾಗಿಲ್ಲ. ಈ ಬಗ್ಗೆ ತನಿಖೆ ಆರಂಭವಾಗಿದೆ ಎಂದು ವರದಿಯಾಗಿದೆ.

 

Leave a Reply

Your email address will not be published. Required fields are marked *