Sunday, 25th June 2017

Recent News

ಟ್ರೋಲ್ ಹೈಕ್ಳು ವಿರುದ್ಧ ಸೈಬರ್ ಕ್ರೈಂನಲ್ಲಿ ದೂರು

ಬೆಂಗಳೂರು: ಇತ್ತೀಚಿನ ದಿನಗಳಲ್ಲಿ ಯವುದೇ ಸಾಮಾಜಿಕ ಜಾಲಾತಾಣಗಳ ಪೇಜ್‍ಗಳನ್ನು ತೆರೆದರೆ ಸಾಕು ಅಲ್ಲೊಂದು ಟ್ರಾಲ್ ಜನಪ್ರಿಯವಾಗಿರುತ್ತೆ. ಆದ್ರೆ ಆ ಟ್ರಾಲ್‍ನಿಂದ ಸಾಕಷ್ಟು ಮಹಿಳೆಯರ ಮಾನ ಹಾನಿಯಾಗಿದೆ ಅಂತ ಇವತ್ತು ಟ್ರೋಲ್ ಹೈಕ್ಳು ಪೇಜ್ ಮೇಲೆ ಸೈಬರ್ ಕ್ರೈಮ್‍ನಲ್ಲಿ ಮಹಿಳೆಯರು ದೂರು ದಾಖಲು ಮಾಡಿದ್ದಾರೆ.

ಸಾಮಾಜಿಕ ಜಾಲತಾಣಗಳಲ್ಲಿ ಟ್ರೋಲ್ ಹೈಕ್ಳು ಎನ್ನುವ ಪೇಜ್ ತುಂಬ ಜನಪ್ರಿಯ ಆಗುತ್ತಿದೆ. ಆದರೆ ಇವರ ಟ್ರಾಲ್‍ಗಳಿಂದ ಇಂದಿನ ಯುವ ಪೀಳಿಗೆಯ ಮೇಲೆ ತುಂಬಾನೆ ಕೆಟ್ಟ ಪರಿಣಾಮ ಬೀರುತ್ತಿದೆ. ಇದರಿಂದ ಇಂದಿನ ಯುವ ಪೀಳಿಗೆಯು ಹಾಳಾಗುತ್ತಿದೆ. ಅಷ್ಟೇ ಅಲ್ಲದೆ ಹೆಚ್ಚಾಗಿ ಈ ಟ್ರಾಲ್ ಮಹಿಳೆಯರ ಮೇಲೆಯೇ ಕೇಂದ್ರ ಬಿಂದುವಾಗಿ ಅವರನ್ನು ಚಿತ್ರ ವಿಚಿತ್ರವಾಗಿ ಟ್ರಾಲ್ ಮಾಡುತ್ತಿರುವುದರಿಂದ ಮಹಿಳೆಯರ ಘನತೆಗೆ ಧಕ್ಕೆ ತಂದಿದೆ ಎಂದು ಸಮಾನ ಮನಸ್ಕ ಮಹಿಳೆಯರ ಗುಂಪೊಂದು ಸೈಬರ್ ಕ್ರೈಂ ಪೊಲೀಸರಿಗೆ ದೂರು ನೀಡಿದೆ.

ದೂರು ನೀಡುವುದಕ್ಕೂ ಮುನ್ನ ಇವರು ಟ್ರೋಲ್ ಪೇಜ್ ಕ್ರಿಯೆಟ್ ಮಾಡಿದವರ ಹತ್ತಿರ ಚಾಟ್ ಮಾಡಿದ್ದಾರೆ. ಈ ರೀತಿ ಟ್ರೋಲ್ ಮಾಡುತ್ತಿರುವುದರಿದರಿಂದ ಸಮಾಜದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ. ಈ ರೀತಿಯ ಟ್ರಾಲ್‍ಗಳನ್ನು ಮಾಡಬೇಡಿ ಎಂದು ಮನವಿ ಮಾಡಿದ್ದಾರೆ. ಆದರೆ ಈ ಮಾತನ್ನು ಕೇಳದೇ ಅವರು ಇವರಿಗೆ ಟ್ರಾಲ್ ಮಾಡಿ ಬೈದಿದ್ದಾರೆ. ಈ ಕಾರಣಕ್ಕಾಗಿ ಇಂದು ಸೈಬರ್ ಪೋಲೀಸರಿಗೆ ದೂರು ನೀಡಿದ ಯುವತಿಯರು ಇವರ ಸೂಕ್ತ ಕ್ರಮ ಕೈಗೊಳ್ಳಬೇಕು ಅಂತ ಮನವಿ ಮಾಡಿದ್ದಾರೆ.

“ಕನ್ನಡ ಪರ ಕೆಲಸಗಳನ್ನು ಪ್ರಚಾರ ಮಾಡುವುದಾಗಿ ಹೇಳಿದ ಟ್ರೋಲ್ ಹೈಕ್ಳು ಪೇಜ್ ಇತ್ತಿಚಿನ ದಿನಗಳಲ್ಲಿ ಮಹಿಳೆಯರನ್ನು ನಿಂದಿಸಿ ಟ್ರಾಲ್ ಮಾಡುತ್ತಿದ್ದಾರೆ. ಇವರ ಟ್ರಾಲ್‍ಗಳನ್ನು ಪ್ರಶ್ನಿಸಿ ಚಾಟ್ ಮಾಡಿದ್ದಕ್ಕೆ ನಮ್ಮ ಜೊತೆಯೇ ಅಸಭ್ಯವಾಗಿ ನಡೆದುಕೊಂಡಿದ್ದಾರೆ. ಮಹಿಳೆಯರ ದೇಹದ ಬಗ್ಗೆ ವಿಡಂಬನೆ ಮಾಡಿ ಫನ್ ಮಾಡೋದು ಸರಿಯಲ್ಲ. ಪ್ರಶ್ನೆ ಕೇಳಿದ್ದಕ್ಕೆ, ನೀವು ಈ ರೀತಿ ಉರ್ಕೊಂಡ್ರೆ ನಾವು ಏನು ಮಾಡಲು ಸಾಧ್ಯವಿಲ್ಲ ಎಂದು ಹೇಳಿ ನಮ್ಮ ಜೊತೆಗೆ ಕೆಟ್ಟದಾಗಿ ನಡೆದುಕೊಂಡಿದ್ದಾರೆ. ಈ ಕಾರಣಕ್ಕಾಗಿ ನಾವು ಟ್ರಾಲ್‍ಗಳು ಮತ್ತು ಟ್ರಾಲ್ ಯುಆರ್‍ಎಲ್ ನೀಡಿದ್ದೇವೆ. ಪೊಲೀಸರು ಯುಆರ್‍ಎಲ್‍ಗಳನ್ನು ತೆಗೆದುಕೊಂಡು ಟ್ರೇಸ್ ಮಾಡುವುದಾಗಿ ಹೇಳಿದ್ದಾರೆ”
– ಸ್ನೇಹ ಕಿರಣ್, ದೂರು ನೀಡಿದವರು

Leave a Reply

Your email address will not be published. Required fields are marked *

*