ಬೆಂಗಳೂರು: ಮಾಹಿಷ್ಮತಿ ಸಾಮ್ರಾಜ್ಯದ ರಾಜಮಾತಾ ಶಿವಗಾಮಿ ಮತ್ತು ಅಂಗರಕ್ಷಕ ಕಟ್ಟಪ್ಪ ನಡುವಿನ ರೊಮ್ಯಾಂಟಿಕ್ ವಿಡಿಯೋ ಒಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಹೌದು, ಬಾಹುಬಲಿ ಸಿನಿಮಾದಲ್ಲಿ ಶಿವಗಾಮಿ ಪಾತ್ರದಲ್ಲಿ ನಟಿಸಿದ್ದ ನಟಿ ರಮ್ಯಾಕೃಷ್ಣ ಮತ್ತು ಕಟ್ಟಪ್ಪ ಪಾತ್ರ ನಿರ್ವಹಿಸಿದ ಸತ್ಯರಾಜ್ ಇಬ್ಬರೂ ಜಾಹೀರಾತಿನಲ್ಲಿ ಸತಿ-ಪತಿಗಳಾಗಿ ಕಾಣಿಸಿಕೊಂಡಿದ್ದರೆ. ದೃಶ್ಯದಲ್ಲಿ ಇವರಿಬ್ಬರ ಕೋಳಿ ಜಗಳ ವೀಕ್ಷಕರ ಮೆಚ್ಚುಗೆಗೆ ಪಾತ್ರವಾಗಿದೆ.
ವೀಡಿಯೋ ವೈರಲ್ ಆಗಿದ್ದೇಕೆ?:
ಇತ್ತೀಚಿಗೆ ತೆರೆಕಂಡ ಬಾಹುಬಲಿ-2 ಸಿನಿಮಾ ಪೌರಾಣಿಕ ಕಥೆಯುಳ್ಳ ಸಿನಿಮಾ. ಚಿತ್ರದಲ್ಲಿ ಕಾಸ್ಟ್ಯೂಮ್ ಎಲ್ಲವೂ ರಾಜಮನೆತನದ ಶೈಲಿಯಲ್ಲಿದೆ. ಅಂತೆಯೇ ಈ ಜಾಹೀರಾತಿನಲ್ಲಿ ರಮ್ಯಾಕೃಷ್ಣ ಮತ್ತು ಸತ್ಯರಾಜ್ ಪೌರಾಣಿಕ ಪಾತ್ರಧಾರಿಗಳ ಉಡುಗೆ-ತೊಡುಗೆ ಕೂಡ ರಾಜಶೈಲಿಯಲ್ಲಿದೆ. ಜಾಹೀರಾತು ಸೆಟ್ನ್ನು ಸಹ ಬಾಹುಬಲಿ ಸಿನಿಮಾದ ಸೆಟ್ ಹಾಗೆ ನಿರ್ಮಿಸಿದ್ದರಿಂದ ವೀಡಿಯೋ ವೈರಲ್ ಆಗಿದೆ.
ಇದೊಂದು ಬಟ್ಟೆ ಜವಳಿ ಶೋರೂಂ ಒಂದರ ಜಾಹೀರಾತಾಗಿದ್ದು, ಕೋಪಗೊಂಡ ಪತ್ನಿಯನ್ನು ಮನವೊಲಿಸಲು ಪತಿ ಸೀರೆ ನೀಡಿ ಇಂಪ್ರೆಸ್ ಮಾಡುವ ವೀಡಿಯೋ ಇದಾಗಿದೆ.
ಇದನ್ನೂ ಓದಿ: ಪ್ರಭಾಸ್, ರಾಣಾ, ಅನುಷ್ಕಾ, ತಮನ್ನಾ, ರಮ್ಯಕೃಷ್ಣಗೆ ಎಷ್ಟು ಸಂಭಾವನೆ ಸಿಕ್ಕಿದೆ?
ಇದನ್ನೂ ಓದಿ: ಒಂದು ಸಾವಿರ ಕೋಟಿ ಕ್ಲಬ್ ಸೇರಿದ ಬಾಹುಬಲಿ: ಯಾವ ದಿನ ಎಷ್ಟು ಕೋಟಿ ರೂ. ಕಲೆಕ್ಷನ್ ಆಗಿತ್ತು?