Wednesday, 18th October 2017

Recent News

5 ವರ್ಷ ಪ್ರೀತಿಸಿ, ಸಮುದಾಯಕ್ಕೆ ಸೆಡ್ಡು ಹೊಡೆದು ಮದುವೆಯಾಗಿ 3 ತಿಂಗಳಲ್ಲೇ ಬೇರೆಯಾದ್ರು!

ಬಳ್ಳಾರಿ: ಪ್ರೀತಿ ಮಾಡಬಾರದು. ಮಾಡಿದರೆ ಜಗಕೆ ಹೆದರಬಾರದು ಅಂತಾರೆ. ಹೀಗೆ ಎಲ್ಲರನ್ನೂ ಎದುರು ಹಾಕಿಕೊಂಡು ಐದು ವರ್ಷಗಳ ಕಾಲ ಪ್ರೀತಿಸಿ ಮದುವೆಯಾಗಿದ್ದ ಎದುರು-ಬದುರು ಮನೆ ಹುಡ್ಗ-ಹುಡ್ಗಿ ಮೂರೇ ತಿಂಗಳಲ್ಲಿ ಬೇರೆಯಾಗಿದ್ದಾರೆ.

ಬಳ್ಳಾರಿಯ ಯುವ-ಯುವತಿ 5 ವರ್ಷಗಳ ಕಾಲ ಪರಸ್ಪರ ಪ್ರೀತಿಸಿ, ಹೊಸಪೇಟೆಯ ಜೈನ್ ಸಮಾಜಕ್ಕೆ ಸಡ್ಡು ಹೊಡೆದು ಜೂನ್ ತಿಂಗಳಿನಲ್ಲಿ ಮನೆ ಬಿಟ್ಟು ಹೋಗಿ ಮದ್ವೆಯಾಗಿದ್ದರು. ಆದ್ರೆ, ಈ ಮದ್ವೆಗೆ ಜೈನ ಸಮುದಾಯ ತೀವ್ರ ಆಕ್ರೋಶ ವ್ಯಕ್ತಪಡಿಸಿತ್ತು. ಈ ಬಗ್ಗೆ, ಭಾರೀ ಗಲಾಟೆ ಸೃಷ್ಟಿಯಾಗಿ ಪಬ್ಲಿಕ್‍ಟಿವಿಯಲ್ಲಿ ಚರ್ಚೆಯೆಲ್ಲಾ ನಡೆದು ಸಂಧಾನ ನಡೆದಿತ್ತು. ಆದ್ರೆ, ಮದ್ವೆ ನಡೆದ ಮೂರೇ ತಿಂಗಳಲ್ಲಿ ಮುರಿದು ಬಿದ್ದಿದೆ.

ಸಮಾಜವನ್ನೇ ಮೆಟ್ಟಿನಿಂತು ಮದ್ವೆಯಾಗಿದ್ದ ನನಗೆ ಪತಿ ವರದಕ್ಷಿಣೆಗಾಗಿ ಚಿತ್ರಹಿಂಸೆ ನೀಡಿದ್ದ. ಆತನ ಪೋಷಕರು ಮಾನಸಿಕ ಮತ್ತು ದೈಹಿಕ ಕಿರುಕುಳ ನೀಡಿದ್ರು. ಜೊತೆಗೆ ಎಲ್ಲದಕ್ಕೂ ಅನುಮಾನ ಪಡುತ್ತಾ ವಿದ್ಯಾಭ್ಯಾಸ ಮಾಡೋಕೂ ಬಿಡದೇ ಟಾರ್ಚರ್ ಮಾಡ್ತಿದ್ರು ಅಂತ ನೊಂದ ಯುವತಿ ದೂರಿದ್ದಾಳೆ.

ತಂದೆ ತಾಯಿಯ ಮಾತನ್ನೂ ಮೀರಿ ಹೋಗಿದ್ದ ಪುತ್ರಿಯ ಪರಿಸ್ಥಿತಿಗೆ ಹೆತ್ತವರು ಮರುಗಿದ್ದು, ಆಶ್ರಯ ನೀಡಿದ್ದಾರೆ. ಅಲ್ಲದೆ, ನಮ್ಮ ಮಗಳನ್ನು ಹಿಂಸಿಸಿದ ಯುವಕನಿಗೆ ಕಠಿಣ ಶಿಕ್ಷೆಯಾಗಬೇಕು ಅಂತಿದ್ದಾರೆ.

Leave a Reply

Your email address will not be published. Required fields are marked *